tundikhel
X.Hero Member
Reputation : +57/-7
Posts: 8124
|
 |
« Reply #62 on: December 17, 2009, 02:38:20 AM » |
|
नम्रताको सेक्स भिडियो झुलुक्क हेरेँ - रेखा थापा, चलचित्र अभिनेत्री
Wednesday, 23 September 2009
सात वर्षअघि चलचित्रवृत्तका लागि एउटा यस्तो दसैँ थियो, जो दुखद् बन्यो। त्यो वर्ष एकजना अभिनेत्रीले दसैँछेका आत्महत्या गरिन्। मामिला थियो, यौनको। यसपाला नायिका नम्रता श्रेष्ठ र डिजे तान्त्रिकको सेक्स भिडियो बजारमा आएको छ, मामिला फेरि पनि यौनकै। स्थितिले कुनै अप्रत्यासित र अस्वाभाविक मोड त लिएको छैन, तर मामिला उस्तै हो। अक्सर नेपाली चलचित्रका कलाकारबारे यस्ता कुरा बजारमा अइरहन्छन्। भएर वा नभएर पनि यौन मामिलासँग जोडिँदै अक्सर अभिनेत्रीहरू चर्चामा आउँछन्। यसै मेसोमा पछिल्लो छिमलमा चलेकी अभिनेत्री रेखा थापासित भेट भयो। बालाजुको जनमैत्री अस्पतालमा 'आफ्नो मान्छे आफ्नै हुन्छ' भन्ने फिल्मको सुटिङको एउटा चटारो, 'कवच' नामको फिल्मको सुटिङ ठमेलमा चल्दै थियो, त्यो अर्को चटारो। चटारो–चटारोकै बीचमा भेटिएकी रेखासित अनेकन विषयमा कुरा भयो, तर उनको एउटै आग्रह थियो, नम्रताबारेको प्रसंग नकोट्याइदिने।
– विश्वमणि
० नम्रताको सेक्स भिडियो हेरियो त?
– शुक्रबार बिहान आठ बजे उठ्नेबित्तिकै कम्प्युटर खोलेर युट्युब डटकम लगअन गरेँ। तर, त्यो भिडियो प्ले भएन। पछि साथीहरूको माध्यमबाट झुलुक्क हेर्नसम्म पाएँ।
० कस्तो लाग्यो त्यो हेर्दा?
– त्यो साँच्चैको हो कि होइन, अर्कै कुरा हो। तर, आफ्नो क्षेत्रमा संघर्ष र प्रगति गर्दै गर्दा नायिकाहरूलाई यस्तो समस्या पर्ने गरेको छ। भएको र नभएको दुवैखाले कुरा गरेर सकेसम्म होच्याउने प्रयत्न यहाँ हुने गरेको छ।
० उसो भए नम्रताले बिराएकी छैनन् त?
– म केही पनि भन्दिनँ। यो विषयलाई सपना सम्झेर सबैले भुल्नुमै कल्याण हुन्छ।
० जथाभावी गर्न पाइने? अर्काको घर बिगार्न पनि पाइने? अनि, सपना सम्झेर भुल्नुपर्ने?
– त्यो सम्बन्धित कलाकार र त्यो विषयसित जोडिएका व्यक्तिबीचको सवाल हो। म केही नभनौँ। यस्तो कुरा यो कानले सुन्नु नपरोस् भन्छु म।
० फिल्मलाइनमा दसैँ लागेपछि नै किन यस्तो हुन्छ?
– यो प्रश्न त मैले तपाईंलाई सोध्नुपर्ने। हामीले यस्तो गराएको हो र? तपाईं मिडियाम्यानहरूकै काम त हो नि! मिडियाको मान्छेले त सबै सुखी रहून्, सबै खुसी रहून् भन्ने सोच्नुपर्छ। फिल्म पनि एउटा मिडिया हो, म त त्यस्तै सोच्छु।
० दसँै कता मान्ने हो नि?
– यसपालि मेरो बुबा स्वर्गवास हुनुभएको। त्यसैले माइतमा दसँै हुँदैन। तर, घुम्नका लागि माइत सलकपुर (मोरङ) र श्रीमान् छवि ओझाको घर धरानतिर जान्छु। प्लेनको टिकट अहिलेसम्म मिलेको छैन। सुटिङमा व्यस्त भएर त्यता लाग्नै पाइएन।
० टीका लाइन्न?
– आफूलाई जन्म दिने बुबा बितेको वर्ष टीको लाउने त के सोच्न पनि सक्दिनँ। फुर्सद काट्न मात्रै जान लागेकी।
० छवि (पति) को घर नगएर किन माइतमा पहिला नि?
– 'माइतको कुकुर पनि प्यारो' भन्छन् नि! जान्छु, छविको घर धरान हो। सलकपुरमा त दसैँ मान्न होइन, भेटघाट गर्न मात्रै जाने हो।
० दसैँलाई कतिवटा खसी ठीक पारेको छ?
– पोहोर–परार त कूलदेवतालाई एउटा र नवमीको दिन एउटा गरी दुईवटा खसी ढल्थे। यसपालि बुबाको जूठो परेको छ, किनेरै मासु खाने कुरा छ।
० मासुतिर मन कम लाग्छ कि?
– केको लाग्नु? उमेर छँदासम्म टन्न खाने। बूढेसकाल लागेपछि देखाजाएगा।
० राजनीति गर्नेमा गगन थापा मनपर्छ भनेको हो?
– गगन थापा, रामकुमारी झाँक्री, चन्द्रबहादुर थापा (सागर) भनेका भविष्यमा प्रधानमन्त्री हुनलायकका मान्छे हुन् भनेकी हुँ। तर, मिडियामा गगन थापा भन्ने नामलाई स्ट्रेस दिएर उल्लेख गरियो। त्यसो गर्दा फरक विचार बोकेका केही मान्छेले मलाई फोन गरेर गुनासो पोखे। यो राजनीति भनेको मेरा लागि 'नजाने गाउँको बाटै नसोध्नु' भनेजस्तो हो। बेकारमा राजनीतिक विवादमा मुछिएर मलाई के फाइदा छ र? जानेको कुरा अलि–अलि भनेको हो। फेरि गगन भनेको त हाम्रै पूर्वतिरको (सोलु) मान्छे पनि हो। रामकुमारी भनेको आँट, जोश र जाँगर भएको महिला, सागरचाहिँ एउटा विचारमा समर्पित भएर युवाहरूको नेतृत्व गर्ने मान्छे हुन्।
० कहिले प्रचण्ड मनपर्छ भन्ने, कहिले गगन, कहिले रामकुमारी। यो त दहीच्युरे कुरा भएन?
– उहाँ (प्रचण्ड) को जुँगा मात्रै मनपर्छ।
० अर्थोक नि!
– जुँगाको तल (मुख) त ठीक छैन नि। कहिले के बोल्ने, कहिले के बोल्ने! बोलेअनुसारले केही पनि नगर्ने। 'मेरो गोरुको बाह्रैटक्का' भनेर लिँडेढिपी गर्नेले जनताको सेवा कहिले गर्छन्? प्रचण्डको कुरा मात्रै होइन, सबै नेता त्यस्तै छन्। देशका लागि केही गर्नलाई भन्दा आफू र आफ्नो ग्रुपका लागि मात्रै सोच्ने नेता भए। १० वर्ष लडेर आएको प्रचण्डले केही गर्लान् भन्ने थियो। तर, उनको पनि बोली मात्रै रहेछ। मलाई त गिरिजा, माधव नेपाल, कमल थापा सबै नेता मनपर्छ। तर, कसैले पनि केही नगर्दाचाहिँ एउटा जनता भएको नाताले दुःख लाग्छ।
० फिल्मको नाममा अवैध यौन धन्दा चल्छ भनिन्छ नि!
– मैले झन्डै–झन्डै ९० वटा फिल्ममा काम गरेँ, अहिलेसम्म त्यस्तो देखेको र सुनेको छैन।
० हावा नचली पात हल्लिन्छ त?
– पहिलाको जेनेरेसनमा के थियो र अब पछिको जेनेरेसनमा कस्तो हुन्छ, म भन्न सक्दिनँ। तर, अहिलेको हाम्रो जेनेरेसनमा त्यस्तो छैन। एउटा हिरोइनले एउटा फिल्ममा काम गर्दा कम्तीमा पनि ५० हजार र धेरैमा तीन लाखसम्म लिन्छन्। जब उनीहरू आफ्नै काम गरेर त्यत्रो पैसा कमाउँछन् भने पैसाकै लागि अनुचित काम गरिराख्नैपर्दैन। होला, कसैको ब्वाइफ्रेन्डसित सम्बन्ध हुन्छ। कसैले सहमतिमा शारीरिक सम्बन्ध राखे होलान्। जुन कुराले सोसाइटीलाई असर गर्दैन, त्यो कुरामा मिडियाको बेकारको चासो पनि राम्रो होइन। खोज्दै गयो भने कसको बेडरुममा के हुन्छ, कसको बाथरुममा के हुन्छ भनेर पनि भेटिएला नि! अनि, सबै कुरा छापिदिएर हुन्छ त!
० अहिलेसम्म फिल्म खेलेर कति पैसा कमाइयो?
– हामी केटी कलाकारले केटाको भन्दा कम पैसा पाउँछौँ। हिरोहरूले जति पाउँछन् म त्यति पाउँदिनँ। मसित काम गर्ने हिरोले तीन लाख लिन्छ, तर मैले दुई लाख मात्रै। त्यो पनि हेरी–हेरी हुन्छ। धेरै काम छ भने दुई लाखभन्दा बढी पनि डिमान्ड गर्छु। कुनै–कुनै फिल्ममा एउटा आइटम डान्स गर्नुपर्योप भने धेरै पैसा लिन्छु। कुनै फिल्ममा गेस्ट एपेरियन्स हुन्छ, त्यसमा काम पनि थोरै गर्नुपर्छ र पैसा पनि थोरै लिन्छु।
० अहिलेसम्म कति कमाइयो त?
– म पनि आफ्नो श्रीमान्सित मिलेर फिल्म बनाउने गर्छु। मलाई फिल्मको दुःख थाहा छ। त्यसैले अरूको फिल्ममा काम गर्दा उनीहरूलाई पनि मलाईजस्तो दुःख परेको हुन्छ। म दुःख बुझेर पैसाको कारोबार गर्छु। मैले कमाएको पैसाबाट मज्जाले आफ्नो जीवन धान्न सक्छु।
० गाडी पनि छ नि होइन?
– हो नि, फुल पेमेन्ट दिएर किनेको। त्यसरी किन्दा पनि तेज एन्ड करणले एक महिनासम्म झुलाएर बल्ल–बल्ल गाडी नामसारि गरिदियो। म त तेज करणको श्रीमतीसित झगडै गर्न गएँ नि! यो गाडी भन्ने चिज घाँडो रहेछ। पहिला चलाउने रहर भयो। लाइसेन्सविना नै चलाएँ। लाइसेन्स बनाउन गएको ट्रायलमा दुईचोटि फेल भएँ। पछि सन्तोष दाहाल भन्ने ट्राफिकको सब इन्स्पेक्टरलाई एउटा दाइले चिनाएपछि ट्रायल पास भएँ। अब, अहिले गाडी लिएर निस्कियो भने पुग्नुपर्ने ठाउँमा दुई घन्टाअगाडि हिँड्नुपर्छ।
० फिल्म खेल्ने मन कहिलेदेखि लाग्यो?
– चार कक्षामा पढ्दा ईश्वरी प्रधान र मेला बास्कोटा बालकलाकार भएर टिभीमा इन्टरभ्यु दिएको हेरेपछि मलाई पनि उनीहरूजस्तै बालकलाकार बन्ने मन थियो। तर, ईश्वरी कहाँ शम्भु प्रधानकी छोरी, मेला शम्भुजितकी छोरी, म कहाँ मोरङको एउटा गाउँको थापाकाजीकी छोरी! रहर त भयो, मौका पाइएन। तर, त्यसवेलादेखि नै हिरोइन बन्नकै लागि म जन्मिएकी रहिछु, बनेरै छाड्छु भन्ने लाग्थ्यो।
० हिरोइन नभएको भए?
– मैले मिस कोसीमा भाग लिएँ, सेकेन्ड रनरअप पनि भएँ। पछि एयर होस्टेस बन्ने रहर भयो। आरएनएसीमा एप्लिकेसन हालेँ। वैकल्पिकमा नाम निस्कियो। पछि बुद्ध एयरमा एप्लिकेसन हालेँ। त्यहाँ नाम पनि निस्कियो। इन्टरभ्युका लागि बोलाएको थियो। बुद्ध एयरमा इन्टरभ्यु दिन भनेर घरबाट निस्किएको थिएँ, बाटोमा छवि ओझा (हालका पति) को फोन आयो। 'फिल्म सुरु हुन लागेको छ, कुरा गर्न आऊ' भन्नुभयो। फिल्म खेल्ने कि एयर होस्टेस बन्ने? द्विविधा भयो। बचनपनदेखि हिरोइन बन्छु भन्ने रहर भएकाले ट्याक्सी फर्काएर छवि ओझाको पुरानो बानेश्वरको अफिसतिर लागेँ।
० छविले बिहे गर्ने भए फिल्म खेलाउँछु भन्नुभएको थियो?
– जतिवेला म हिरोइन हुन लागेकी थिएँ, त्यसवेला स्ट्याब्लिस्ड हिरोइनहरूका बारे बजारमा नानाभाँतीका कुरा सुनिन्थे। निरुता सिंहले पेट बोकी भन्थे। हो कि होइन, थाहा छैन, हल्ला व्यापक थियो। जल शाहको कुन्नि के, विपनाको कुन्नि के? यस्तै हल्ला थियो। जब छवि ओझाको फिल्म 'हिरो' मा काम गर्न थालेँ, मलाई पनि यस्तै हल्ला चलाएर बिगार्लान् भन्ने लाग्यो। त्यस्तो हल्ला चल्यो भने त जीवनभर बिहे नहोला भन्ने पिर भयो। अनि, एउटा मान्छे छान्नैपर्योत। र, छवि ओझा छानेँ।
० किन आफूभन्दा डबल उमेर बढीको श्रीमान् रोजेको त?
– भनेजस्तो बूढो मान्छे कहाँ हो र! हट्टाकट्टा, मलाई चाहिएकैजस्तो मान्छे छ नि त! छवि मेरा लागि योग्य श्रीमान् र उसका लागि म योग्य श्रीमती हौँ। छविबाट बुबाको जस्तो साहस र आमाको जस्तो संस्कार पाएको छु, अरू के चाहियो र?
० बिहेपछि पनि कसैले बिहेका लागि अफर गरेनन्?
– किन नगर्नु! आजभोलि त गर्छन्, झन् भर्खर–भर्खर बिहे गर्दा त कति अफर कति! 'त्यो छवि बूढो..., त्यसले तिमीलाई माया गर्दैन..., म तिमीलाई महलकी राजकुमारी बनाएर सजाउँछु...,' यस्ता कुरा त कतिले भने कतिले! कलाकार भएको नाताले कतिको ड्रिम गर्ल पनि भइयो। तर, आफ्नो जीवन आफूले बाँच्ने हो र निर्णय पनि आफैँले गर्ने हो।
० प्लेब्वाई टाइपको केटा मनपर्छ भनेको होइन?
– म भगवान्मा रामचन्द्रलाई खराब मान्छे भन्छु र श्रीकृष्ण असल मान्छे हुन् भन्छु। किनभने, रामले आफ्नी पत्नीलाई अर्कासित गई भनेर अग्निपरीक्षा गरे। तर, श्रीकृष्ण त बिन्दास! न शंका, न कुनै टेन्सन। ठ्याक्कै मेरो छवि ओझाजस्तो। रामचन्द्र भगवान् हुन् र उनैको पालाबाट लोग्नेले स्वास्नीलाई शंका गर्नुपर्छ र तनाव दिनुपर्छ भन्ने कुरा सुरु भएजस्तो लाग्छ। आफ्नी श्रीमतीको विश्वास भए उनले किन अग्निपरीक्षा गर्थे? हेर्नूस्, आज–भोलि पनि लोग्नेचाहिँ जहाँ गए पनि, जे गरे पनि हुने। स्वास्नीले सानो कुरा केही बिराइ कि शंका गर्ने, यातना दिने गरिन्छ। केटाहरूले जे गर्न पनि हुने, हामीले केही गर्न नहुने? हो, मर्यादाको ख्यालचाहिँ सबैले गर्नुपर्छ। मर्यादा भनेको पारिवारिक र सामाजिक दुवै उत्तिकै महत्त्वपूर्ण हुन्छन्।
० पढाइ कतिसम्म भयो?
– विराटनगरको दि राइजिङ इंग्लिस बोर्डिङ स्कुलबाट एसएलसी दिएपछि फिल्म खेल्न थालेँ। तर, त्यसपछि पढिएन, परियो र पढेर भन्दा परेर जानेको कुरा राम्रो हुँदोरहेछ। मलाई फिल्मको हिरोइन बन्नु छ भने डान्स, एक्टिङहरू राम्रो हुनुपर्छ। किताबी ज्ञान सबै कुरा होइन।
० विदेशी फिल्म कत्तिको हेरिन्छ?
– आफैँले पनि एउटा एक्सन फिल्म बनाएर खेलेँ, तर म लभस्टोरीकै क्रेजी हुँ। भूतको फिल्म त सुन्दैमा डर लाग्छ। मलाई मान्छेहरूले ग्ल्यामर भन्छन्, तर सोभर रोल सुहाउँछ। खास रेखा थापा हेर्नलाई 'बाटुली' र 'कसले चोर्योक मन' भन्ने फिल्म हेर्नुपर्छ।
० ब्ल्यु फिल्म?
– कहिलेकाहीँ इन्टरनेटमा बस्दा ब्ल्यु फिल्म खुल्छ र हेर्छु। मलाई त घीन लाग्छ– छ्या त्यस्तो फिल्म!
० निखिल उप्रेतीले खेलेको फिल्म नखेल्ने कारण के हो?
खेल्दिनँ भनेको छैन, तर धेरै लामो समय भयो उहाँसित खेल्ने मौका मिलेको छैन। एउटा कलाकार भएपछि योसँग खेल्छु र त्योसँग खेल्दिनँ भन्ने कुरै हुँदैन। जोसँग पनि खेल्नुपर्छ।
|
